Մեր մասին

EDMF

Հիմնադրամի պատմությունը, կառավարումը, գործընկերներն ու պաշտոնական փաստաթղթերը։

Հիմնադրամի գործունեության ժամանակագրություն

2025թ.
Հիմնադրամը մեկնարկել է «Կրթություն և ճանապարհորդություն» նախագիծը՝ բոլոր մասնագետների մասնագիտական կարողունակությունների միջազգային չափանիշներով զարգացմանը խթանելու նպատակով։
2024թ.
Հիմնադրամը ստորագրել է համագործակցության հուշագիր Europass Teacher Academy-ի հետ՝ համաեվրոպական համատեղ ծրագրերի իրականացման նպատակով։
2023թ.
Կազմակերպում է «Թվային մարտիկ» և «Պատանի դիվանագետ» հանրակրթական լրացուցիչ կրթական ծրագրերը Երևանի Հակոբ և Լյուտովիկա Այնթապլեանների անվան թիվ 87 միջնակարգ դպրոցի 13–18 տարեկան սովորողների համար։
2023թ.
Հուլիսին հիմնադրամի կողմից մշակված «Իրավագիտակից մանկավարժ» (մեկ կրեդիտ), «Թվային գրագիտություն մանկավարժների համար» (մեկ կրեդիտ) և «Հետազոտական աշխատանքների կազմակերպումը ուսումնադաստիարակչական գործընթացում» (երեք կրեդիտ) դասընթացները ՀՀ ԿԳՄՍ նախարարի 2023 թվականի հուլիսի 3-ի 991-Ա/2 հրամանով երաշխավորվել են ուսուցիչների մասնագիտական զարգացման նպատակով իրականացվող կրեդիտ համարժեքով դասընթացներ։
2023թ.
Դեկտեմբերին մասնակցել է ՌԴ բարձրագույն կրթության նախարարության և МИРЭА տեխնոլոգիական համալսարանի կողմից կազմակերպված «ԱՊՀ երկրներում երիտասարդ մասնագետների կարողունակությունների զարգացում» թեմայով համաժողովին։
2023թ.
Նոյեմբերին մասնակցել է «Ինտերնետ հասարակության կառավարում» ՀԿ-ի կողմից կազմակերպված Ինտերնետ կառավարման 8-րդ համաժողովին։
2023թ.
Նոյեմբերին մասնակցել է Հայաստանում Հայ-ռուսական սլավոնական համալսարանում ՌԴ կրթության նախարարության և МИРЭА տեխնոլոգիական համալսարանի կողմից կազմակերպված «Երիտասարդների հակասոցիալական վարքը համացանցի ազդեցությամբ» տարածաշրջանային գիտաժողովի կազմակերպման աշխատանքներին, և տնօրենը պարգևատրվել է շնորհակալագրով։
2022թ.
Հանրակրթական ուսումնական հաստատությունների նախաձեռնությամբ կազմակերպում է մանկավարժների շարունակական մասնագիտական կրթությանն ուղղված միջոցառումներ՝ մասնակիցների մասնագիտական կարիքի գնահատման արդյունքներով պայմանավորված։
2022թ.
Հիմնադրամը իրականացրել է շուրջ 6300 մանկավարժների մասնագիտական զարգացմանն ուղղված վերապատրաստման դասընթացներ, վեբինարներ և սեմինարներ հետևյալ թեմաներով՝ «Ռեսուրսների կառավարում», «21-րդ դարի հմտությունների զարգացում», «ՀՀ հանրակրթության բնագավառի օրենսդրություն», «Թվային գրագիտություն մանկավարժների համար», «Հետազոտական աշխատանքների կազմակերպումը մանկավարժական գործընթացում», «Սովորողների ուսումնառության գնահատում», «Դպրոցի զարգացման ծրագրի մշակում և հաշվետվողականություն», «Մեծահասակների կրթության կազմակերպում», «Օրվա դասի պլանավորում», «Դասի վերլուծություն, հետադարձ կապ», «Խաչվող հասկացությունները ուսումնադաստիարակչական գործընթացում» և այլն։
2022թ.
Իրականացրել է հանրակրթական ուսումնական հաստատության ղեկավարման իրավունք ստանալու նպատակով կազմակերպվող վերապատրաստումներ մոտ 150 մանկավարժների համար և արձանագրել գերազանց արդյունավետություն։
2022թ.
Հուլիսին հիմնադրամի կողմից մշակված «Իրավագիտակից մանկավարժ» (մեկ կրեդիտ), «Թվային գրագիտություն մանկավարժների համար» (մեկ կրեդիտ) և «Հետազոտական աշխատանքների կազմակերպումը ուսումնադաստիարակչական գործընթացում» (երեք կրեդիտ) դասընթացները ՀՀ ԿԳՄՍ նախարարի 2022 թվականի հուլիսի 22-ի 1359-Ա/2 հրամանով երաշխավորվել են ուսուցիչների մասնագիտական զարգացման նպատակով իրականացվող կրեդիտ համարժեքով դասընթացներ։
2022թ.
Դեկտեմբերին մասնակցել է ՌԴ կրթության նախարարության և МИРЭԱ տեխնոլոգիական համալսարանի կողմից կազմակերպված «Կիբեռանվտանգություն. Երիտասարդների կողմից համացանցում իրականացվող գործողությունների կործանարար հետևանքները» թեմայով գիտաժողովին։
2022թ.
Նոյեմբերին մասնակցել է ՌԴ կրթության նախարարության կողմից կազմակերպված ԱՊՀ երկրների երիտասարդների շարունակական կրթության կազմակերպման քաղաքականության նախագծի մշակման գործընթացին։
2022թ.
Ձևավորվել է հիմնադրամի հոգաբարձուների խորհուրդը՝ 7 անդամից, որի հիմնադիր տնօրենն է Արմինե Գագիկի Մարտիրոսյանը։
2022թ.
«Կրթության զարգացման և կառավարման» հիմնադրամը հիմնադրվել և մայիսի 18-ին գրանցվել է ՀՀ Արդարադատության նախարարության իրավաբանական անձանց պետական ռեգիստրի գրասենյակում։